"HOTNET" – İnternetə WiFi texnologiyası üzərində qurulmuş simsiz qoşulma şəbəkəsidir. Əgər siz artıq WiFi-dan istifadə etmişsinizsə, onda şübhəsiz, simsiz İnternetin bütün üstünlüklərini və əlverişliliyini qiymətləndirirsiniz. İndi isə fərz edin ki, İnternetə hər yerdə – evdə, iş yerində, kafedə, hətta küçədə və yaxud parkda da qoşulmaq mümkündür! "HOTNET" şəbəkəsi məhz bu cür işləyir.

Bizim istifadəçilərə "HOTNET" əhatə dairəsinin istənilən nöqtəsində İnternetə qoşulmaq imkanı verilir. Onlar konkret bir yerdən asılı olmayaraq, harada və nə vaxt əlverişlidirsə, İnternetə qoşula bilərlər.

\"HOTNET\" hal-hazırda təkcə Azərbaycanda deyil, həm də Qafqaz regionunda ən iri simsiz WiFi şəbəkəsidir. Bakının mərkəzinin bir çox hissəsini, eləcə də şəhərin digər rayonlarını əhatə edən şəbəkə genişlənməkdə və inkişaf etməkdə davam edir və hər gün yeni qoşulma məntəqələri yaradılır. "HOTNET" servisi Bakı şəhərində 70-dən artıq satış məntəqəsinə malikdir.